كان بزحمة شجونه
يلملم باقي اوراقه
صباحه يمر كالعاده
شرب القهوه بدري
ورايح يقضي شؤونه
فجأه
دق جواله
هذي الرنه اذكرها
لا
ماصدق عيونه
صارت ترجف يدينه
صارت تدمع عيونه
هذا رقم مضنونه
الــــو
قالها بلهفة احساسه
الــو صباح الخير ياجافي
يا اقسى من عرفه قلبي
صباح الخير ياوجه الخير
ياحبي ياسبب غلبي
حبيبي
ليش تهجرني
وينك يوم ناديتك
توك نوك تلبي
تدري ياكريم الجروح
تدري ياغلا الروح
انا ما انام الا صورتك جنبي
ولا
اقولك ما بأعاتبك
يكفي ان اليوم صبحي بحضورك
اختلف عن كل يوم
ادري يابعد حالي
ادري وش تبي تحكي
صحيح ان السلام المفروض انت تبدا به
حبيبي والله ماتفرق
حبيبي سلامنا واحد
حبيبي والله ماتفرق
سلامي اول وتالي
عساك بخير بشرني
عساك بخير ياغالي
تعال قولي علمني
غريبه عليك تذكرني
وتذكر رقم جوالي
عسى دنياك جتني ولهانه
عن اشواقي لا تسأل
عيوني حيل مشتاقه
ضناني الشوق واشقاني
وصبري ذبلت اوراقه
تعال
تعال بأحكي لك
انا أتغيرت عن اول
صرت انام بدري
عشان احلم واشوفك
ويطول حضني لطيوفك
صرت اصحى من بدري
وصارت قهوتي مره
وغطاني همي من كبره
انا اتغيرت عن اول
وهجرك طول وطول
احبك
باقي تذكرها
لسه تذوب من حرارتها
سوالف ليلنا
وحلمنا الوردي
مانسيتها
اعيش ماضيها وحاضرها
احبك
وانت تهجرني
هذي يعني اخرها
اووه اسف حبيبي اعذرني
خذاني الشوق ووداني
حبيبي يالله كلمني
طفي شي من ناري بصوتك
وليتك تداوي القلب ياليتك
فجأه
يرد الصوت
الو
ياخوك
انا اسف
انا غلطان
توي مطلع الجوال
وكنت ابغى رقم فلان

تغريد