ألايالله أنـا طالبك ياعلام مــــــــــا بالكون
رفيع الشأن محي الناس خالقها ومفنيــــها
تصبر قلبي أبلواه وتجبر خاطري المحزون
بعد فقد الحبيبة دنيته ماهوب راجيـــــــــها
ياشين الدار عقب أمي ظلام ومالها من لون
غديت لحالي بدنيا فسيحة ضايع فيـــــــــها
يحس القلب مــن داخل يطعنة خنجر مسنون
اشوف الناس وابعد مابي اسمع تعازيــــــها
ألايارحمة الله كل شيء في الحياة يهون
على فرقا الحبيبة حسرة مانيب قاويــــــها
ألاياناس كفوا لومكم يانـــاس مــاتــدرون
بأن أمي صدى أنفاسها للروح يحيـيـــــها
أنا من عقبها ميت مشاعر والجسد مرهون
كما شخص بقى جسمه وروحه عند باريــها
نظيفة عرض مثل الجوهر اللي غالي مكنون
مع زين السجايا والحيا والطيب كاسيـــــها
وترحم كل مسكين وتبدي للضعيف العــون
تقبلها بجنتك الفسيــــحة وأنت واليــــــــها
عسى طريق أمي يعله سحاب بارق بمزون
وعســـى جنـــات الخاتمة واخر تواليـــــــها
أسأل المغفرة لأميعدد من بالحرم يمشون
عدد من طاف بالكعبة عدد من هو سجد فيها
تغريد